Tanzania yaunda baraza la makosa ya jinai

Tanzania imezindua baraza la taifa litakaloshughulikia masuala ya makosa ya jinai, kwa lengo la kupunguza mlundikano wa kesi kwenye mahakama za nchi hiyo.

Serikali imelitaka baraza hilo kubuni mikakati madhubuti ikiwa ni pamoja na kuwa na ratiba maalum ya kumaliza kesi za jinai ambazo zimechukua muda mrefu mahakamani bila kumalizika.

Mapendekezo mengine yaliyotolewa na serikali katika kukabiliana na tatizo hilo ni pamoja na mahakama za Tanzania kuwatumia mahakimu wa heshima ama mahakimu ambao wamepata ruhusa kusikiliza kesi za mahakama kuu kwa kutumia sheria zilizopo.